時間過得真快～一年了～

時間過得好快！原來，咁又一年喇～
想當年老公成日話，果陣做立體線時真係好悶好難過…但呢一年，都係掛牌者～ d 時間仲快過咩咁！

呢一年識左好多朋友仔～翠屏既友人們～北區既底線氏兩兄弟、左右、 7825 、將軍澳人同港島人～
見識多左好多，真係好開心呀～

希望黎緊一年會認識更多有趣同得意既事物喇～

最後98A熱？

明明我係70X，點解98A熱又關我事？就因為一個電話我就能夠成為最後98A熱狗中其中一位車長了！當晚我真係好開心！因為我可以見證一個歷史既轉變！同埋好多謝我老婆陪左我成日！仲有當日坐我車上一班合作既巴迷們！哎，差啲唔記得仲有另一位熱狗車長棠哥喇！我永遠記得2012年5月8日呢一日！

各位，我們又見面了～

是說我好久沒發過新文章…等陣！其實呢度都無咩人睇…

anyway ，我發個 po 等大家知我未死得，同時送上正正 98A 圖一大張：


老公果日揸 98A 超帥的啊，給我吻給我吻！ >3<
有關 98A 相關，可以去各大巴壇搵下既，「我講」同「男朋友」都有好多 98A 相關架！
不過 16 我就真係完全無性趣了！

不務正業中。

趁老公揸車而我又趕工作想呆一下再做時打打 blog。

四日三夜既台灣之旅成功完結了～雖然有 d 時候會令人嬲到眼火爆，但係都真係好開心～
不得不多謝老公主理晒一切旅行事宜（我真係無做過任何野），多謝佢俾我一個咁開心既旅程！


由呢個摩天輪上高睇台灣…真係好靚呀 ^____^

同左老公一年幾，兩個人仔一齊出外旅行真係好開心～
雖然，佢脾氣真係幾大，但好彩佢發大脾氣時一定係鬧爆 d 白痴的士小巴私家車佬～
而今次去台灣…脾氣已經發左喇～俾人發脾氣在先，佢當然發返人脾氣喇！拿拿拿，講到明，果個唔係我呀～

兩個人一齊，最緊要有安全感。
老公～你俾到我既安全感真係非同小可，差 d 仲俾你壓死 ^__^（講笑炸唔好打我）

肥豬～我愛你 ^   3  ^

我既第一篇

最近老婆同我講～我地個ｂｌｏｇ比人放左上高登～
咁我又去睇下先～
嘩！我地呢個ｂｌｏｇ就因為比人放左上高登既關係～
呢個ｂｌｏｇ既點擊多左好多～真係多謝晒高登巴打們～
令呢個ｂｌｏｇ”起死回生”～
呀～交代下先～我老婆佢而家唔係ｍｉｓｓ黎架～
佢係o係大學做research assistant~ok?
所以唔好叫佢miss喇~
同埋~~女巴迷同巴士佬拍拖係好正常架~
唔計我都仲有不少卡佬(即巴士佬)既女友or老婆係女巴迷~
所以希望某d人唔好咁大驚小怪~
不過都多謝放我地上高登出post既樓主~令我上返我冇上多時既高登去追下post~!

p.s.下次我出文可能就係講我地兩個過幾日去台灣既野架喇~唔一定剩係巴士既野睇架~

=____,=

來源： HKgolden

唔知邊個放我上去呢…
拿， Miss 就係真既，巴膠就一定唔係喇。
呢個世界唔一定得細路 / 男性先係巴士迷，女仔都可以係架。

世界好大，高登係有好多巴打識好多野既。不過，仲有好多你地意想不到既野發生緊，只不過你地無諗過咁解者。

熱狗

老實講，我都唔知 d 人追咩熱狗。
十個有九個都話「我有感情」，但十個有九個都係向度破壞 d 熱狗。

話我乞人憎都好，其實因為 d 人，令我好憎熱狗迷。尤其係 d 將熱狗當神拜既白痴，無腦到唔恨。

講完，繼續做野。

工作！工作！工作——

呢排都係忙新工架啦。
新工係咩？新工就係返返去我既母校度，做返自己系既研究助理喇！
而果隻豬忙咩呢？又係繼續做返佢既七十叉仔囉。

不過呢，吊頸都要透下氣，聽日去搭下車 relax 下先！

歡迎～這裡是兩隻豬的家！

終於～可以向呢度同大家見面喇～我係雪，係呢頭家既其中一員。另一個則好努力咁揸緊車…（不過都應該到站架啦！）

呢度係紀錄左我地兩個巴士迷所想所寫既野，亦都紀錄我地兩個一齊既生活點滴。
作為一個可以教中學英文既 Miss ，同一個揸巴士既巴士仔一齊都真係幾有意思。大家唔同既經歷同學識，將會幫到大家向生活同睇事物方面有新既睇法～有趣有趣～

不過當然啦，我隻豬雖然係揸巴士既，但千忻唔好睇少 d 巴士司機！巴士司機係好有學識架！知唔知？（哈）遲下大家就見識到佢揸筆既威力啦，哈！



好喇！入返正題先。
呢度講巴士，唔會好 PRO 。而巴士佬亦都會話你知，巴迷界所謂既 PRO ，其實並不是一回事。要真正落場體會，你先知道，乜野叫 PRO 。
而作為一個咩都唔識既 Miss ，則會由另一個角度去解釋巴士。唔好期望你會睇到數據，亦都唔好期望 Miss 會講 d 咩「勁」「唔勁」既車。向呢度，大家只會睇到巴士生活，同埋從感性方面解構巴士一生。

好喇！再次向大家多多指教！