Testing

Test

轉陣地

話說看這裡的人應該不多，但我也知道我總有一個忠實 fans 。

告訴你，我早就轉陣地了。

http://www.facebook.com/HL8927?ref=hl

我歡迎你有興趣可以來這裡留言啊，我無任歡迎。

夏天，快來了

羽毛波新手，多多指教～

唔講唔覺，夏天又黎緊。
已經係第四個夏天了～由果陣咩都唔知，到依家學識好多野，隻豬係一個幫我唔少既人，多謝隻豬。
其次，今個春天，可能係  70X 最後一個春天。無人知 TD 、政府或區議會最後會 come up 一個咩 answer ，但都已經有晒心理準備…算了，這個不提。

最重點既係，年頭時巨賊團有人提出打羽毛波。大家玩玩下既情況下，結果越來越認真。上圖就係我既私人拍。雖然唔係咩一流拍，但係都夠新手用啦XD
體能方面，仲係要改進。三幾年無做如此劇烈既運動，依家一下子就要玩，真係有 d 力不從心。（我承認要認真起來我可以好搏的）

所以…阿雪加油啦！唔好俾個識打既巴士佬打死呀！
喔，無提過巴士佬其實識打添… sosad

生日快樂 ^~^

巴士佬生日快樂 ^~^

三月

沒有三月就沒有你。

有了你開心啲　乜都稱心滿意
鹹魚白菜也好好味
我與你永共鈙　分分鐘需要你
你似是陽光空氣

情人節？

情人節，食得架咩？
老虎狗都話，我 hea 下好過喇！情人節！

其實情人節由來，係因為一個叫 Valentine 既傳教士同一個盲女既愛的故事（詳情可以參閱 wiki ：情人節）。不過依家俾商家搞到變晒樣，唉，都係果句，錢作怪啦！
至於我地…超認真的講句，我完全唔記得左呢日 =__= 我只係記得今日係初五要開始返工（真係唔開心）之後有個朋友話整蛋糕俾男朋友，我先記得「呀！乜原來係情人節呀！」（完全無意識）
所以話…我已經對呢 d 節日無晒感覺 =__= 至於上圖果個綠色物體，佢話「無咩慶祝架啦，儲錢六月去布吉好過喇」哎，呢個係事實，我寧願去布吉玩好過啦！

開心既話，日日都係情人節啦，仲駛特別地慶祝咩！咪俾人呃錢啦傻仔！

btw 成日揀 d 奇怪日子結婚既人，好易會離婚…今日應該有好多人結婚…我諗起報紙前排講， 201314 結婚果 d 人，最快 4 日離婚…
揀埋晒 d 大日子黎結婚，要慶祝果陣又要俾人【湯】到一頸血了 sosad

預祝新年快樂

每年最期待的新年快到了 ^~^ 總之未結婚，我都可以收利是XD（死 o靚妹）

近日執起好耐寫過既筆，對以前既自創故事有 d 交代…其實一直想寫返野，但係苦無時間之餘…其實最苦無既係心力。平時生活已經夠忙，返工、搵巴士佬、煮飯…生活真係非一般忙碌。報左 d 網上 course 讀仲已經開課…但我發現我 d 時間好唔夠用！除非真係同巴士佬住埋，唔係我應該每日要訓少 d 先有時間用！可惜…我係個寧願訓覺都唔鐘意讀書既人…真係點算…

所以…算吧喇！無病呻吟係咁上下，講完都係想俾人知自己既事，而唔係講完人地都唔知你發生咩事 -.-
呢排多 d 寫 blog ，係因為想諗返起以前寫文既感覺。打字既聲音話我知，我連諗一隻字仔都慢左，點算 =.=

好喇，藉呢個新年，我要執返起遺忘已久既感覺。希望呢種感覺，可以令我再重拾寫文既樂趣。

在天空飛翔 <3

Happy Lunar New Year!

早安

睡醒了還在床上，用電話來發個 blog www
是說各位早晨，巴士佬早更正努力工作中，而 2013 年一月快過了。

時間過得真快。

耶！影到喇！

今日同隻豬去一去美孚，就見到 Hello Kitty 機啦！
記得第一次去台灣，我地就係搭 Eva ，走果時個 Boarding room 就向 Hello Kitty Boarding room 隔離…！


呢個先係有趣既地方， Hello Kitty & Atom Boy 啊~

咁巧合見定 Hello Kitty 機就見老公既同事。其實都唔太算，一個皇帝廠一個荔枝廠， Facebook friend 完見過一次（仲要向獸醫房… :0) ）炸…不過下次就約去食飯啦，同埋皇帝廠既有名篤篤一齊食應該好有 FU （巴）
晚上老公的朋友補祝我生日，好多謝妳們 ^~^ 咦我離題了？XD

2013, A good life starts.

其實大家都會知一個巴士佬係好懶打字既（誤）所以由小妹去寫咁好係正常 d （其實都唔多正常了）同時都放下個巴士佬既背影（正面你地有見過啦…不放了！）出黎當佢有份寫下喇（大誤）

新一年都年咩特別，其實都係祝大家開心快樂 <3 剩下三年多四年時間，唔知我同巴士佬又去到幾遠？
講得多呢 d 野都閃死人，收埋先 <3 呢排見朋友都見得密，仲有好多家族飯要食…忙都忙死！巴士佬都係向 70X （好做嘛），而我就搞下呢搞下魯。自從返左母校做野，真係乜叉都要做 =.= 以為幫忙寫完左一個 course outline 就收皮，點知呢家連 Departmental Website 都要幫拖！有 ITSC 既 assistant 去起左個 php template ，我就去放 d 料入去喇…不過都係做到隻野 =,= 我認我無份寫程式架，只係 d design 同放料都要我既幫忙。寫清楚 d 好，廢事有人誤會以為我咁勁（又或者覺得我吹水） =.= 我唔係 d 文藝少女，都唔係 d 唔俾人知自己事既人黎既 =.=

好喇，先俾大家睇下呢家個 website 係點先
http://www.ln.edu.hk/eng/
拿！未整靚既時候就係呢家咁。半個月後，就有新野睇。到時大家有心情，就禁入去喇。

btw ，巴士佬既日常呢？
其實係無既。（完）（巴）