終於～可以向呢度同大家見面喇～我係雪，係呢頭家既其中一員。另一個則好努力咁揸緊車…（不過都應該到站架啦！）
呢度係紀錄左我地兩個巴士迷所想所寫既野，亦都紀錄我地兩個一齊既生活點滴。
作為一個可以教中學英文既 Miss ，同一個揸巴士既巴士仔一齊都真係幾有意思。大家唔同既經歷同學識，將會幫到大家向生活同睇事物方面有新既睇法～有趣有趣～
不過當然啦，我隻豬雖然係揸巴士既，但千忻唔好睇少 d 巴士司機！巴士司機係好有學識架！知唔知？（哈）遲下大家就見識到佢揸筆既威力啦，哈！
好喇！入返正題先。
呢度講巴士，唔會好 PRO 。而巴士佬亦都會話你知，巴迷界所謂既 PRO ，其實並不是一回事。要真正落場體會，你先知道，乜野叫 PRO 。
而作為一個咩都唔識既 Miss ，則會由另一個角度去解釋巴士。唔好期望你會睇到數據，亦都唔好期望 Miss 會講 d 咩「勁」「唔勁」既車。向呢度，大家只會睇到巴士生活，同埋從感性方面解構巴士一生。
好喇！再次向大家多多指教！
